OMAH ADAT JAWA

Omah tradisional Jawa Tengah salah sijine yaiku Joglo. Joglo iku jinis omah tradisional Jawa sing katon prasaja lan dipigunakaké minangka simbol utawa panandha status sosial saka bangsawan Jawa . Biasane, omah  joglo mung diduweni wong kang duwe banda akih. Amerga omah joglo butuhake material kang akih lan larang regane. Omah joglo uga butuhake lahan kang amba amerga ana bagian kang digunaake nampa tamu kang akih.  Nanging Ing jaman saiki wis arang banget ditemokaké omah wangun joglo. Omah joglo kagolong kuna ing jaman saiki.

    Omah iki duweni keunikan yaiku payone kang dhuwur lan duweni soko wangun papat soko kang utama kang nyangga bangunan lan tumpang sari kang wujud susunan balok kang disangga soko guru. Ciri khas liane yaiku duweni payon kang dhuwur kaya gunung.

    Ruangan ing omah joglo biasane dibagi dadi telu bagian. Bagian kaping siji yaiku ruangan kanggo patemon kang kasebut pendhopo. Bagian kapindo yaiku ruang tengah utawa ruang kanggo nanggap wayang kulit, kasebut pringgitan. Bagian kaping telu yaiku ndalem utawa omah jero, kanggo ruang keluarga. Ing jero rungan iki ana telu senthong, yaitu senthong kiri, senthong tengah, lan senthong kanan.

    Pendhopo duweni fungsi kanggo namppa tamu. Struktur bangunan pendhopo migunaake umpak kanggo alas soko, 4  soko guru (tiang utama) duweni simbol 4 arah mata angin, lan 12 soko pengarak. Uga ana tumpang sari yaiku susunan balik kang disangga  soko guru. Biasane, tumpang sari ana ing pendopo bangunan kang disusun tingkat. Tingkatan-tingkatan iki duweni arti minangka tingkatan kanggo menyang titik puncak. Miturut kepercayaane wong Jawa, tingkatan-tingkatan iki bakal dadi siji ing siji titik.

    Dalem yaiku pusat ing omah joglo. Fungsi utamane kanggo ruang keluarga. miturut pola tata ruang, dalem duweni prabedan ing duwuring pondasi, saengga membagi ruang dadi 2 area. Ing  pondasi kang luwih dhuwur digunakake panggon mlebu metune udara, ing bagian kang luwih cendhek digunakake ruang keluarga lan senthong.

Sumber : https://maudisini.com/rumah-adat-jawa-tengah/
http://holesciences.blogspot.com/2017/04/deskripsi-rumah-adat-joglo-dalam-bahasa.html

IG: @juliyastyles_
I PURPLE YOU

MATUR NUWUN 

SRAWUNG KARO SASAMA

PUPUH PANGKUR SERAT WEDHATAMA 

Serat Wedhatama iku anggitane Kanjeng Gusti Pangeran Adipati Arya (KGPAA) Mangkunegara IV. Tembung ‘serat’ tegese tulisan utawa karya, ‘wedha’ tegese wulangan utawa tuntunan, dene ‘tama’ duwe teges utama utawa kautanan. Dadi wose serat Wedhatama iku wulangan luhur kanggo mbangun budi pekertine sapa wae kang maca. Serat Wedhatama dianggit wijid tembang macapat pupuh Pangkur, Sinom, Pocung, Gambuh lan Kinanthi.

Paugerane Tembang Pangkur 

➥ Guru gatrane ana 7

Tegese saben pada (bait) dumadi saka 7 gatra (baris).

➥ Guru wilangane 8, 11, 8, 7, 12, 8, 8

Tegese Gatra kapisan dumadi saka wolung wanda (suku kata), gatra kapindho suwelas wanda, gatra ketelu wolung wondo, gatra kaping papat pitung wondo, gatra kaping lima rolas wondo, gatra kaping nem wolung wondo, lan gatra kaping pitu wolung wanda.

➥ Guru lagune yaiku a, i, u, a, u, a, i,

Tegese guru lagu yaiku tibaning swara ana ing pungkasaning gatra. Gatra kapisan kudu dipungkasi nganggo tembung kang ndhuweni swara pungkasan (A). Gatra kapindho dipungkasi swara (I), gatra kaping telu dipungkasi swara (U), gatra kaping papat dipungkasi swara (A), gatra kaping lima dipungkasi swara (U), gatra kaping nem dipungkasi swara (A), lan gatra kaping pitu dipungkasi swara (I).

Pupuh Pangkur Pada 1

1. Mingkar mingkuring angkara,

    Akarana karanan mardi siwi,

    Sinawung resmining kidung,

    Sinuba sinukarta,
    mrih kretarta pakartining ngelmuluhung,

    Kang tumrap neng tanah Jawa,
    Agama ageming aji.

Dalam Bahasa Indonesia:

Meredam nafsu angkara dalam diri,

Hendak berkenan mendidik putra-putri,

Tersirat dalam indahnya tembang,

Dihias penuh variasi,
agar menjiwai hakekat ilmu luhur,

Yang berlangsung di tanah Jawa (nusantara),
agama sebagai “pakaian” kehidupan.

Pupuh Pangkur Pada 2

2. Jinejer neng Wedatama,

    Mrih ton kemba kembenganing Pambudi,

    Mangka nadyan tuwa pikun,

    Yen ton mikani rasa,
    yekti sepi asepa lir sepah, samun,

    Samangsane pasamuan,
    Gonyak ganyuk nglelingsemi.

Dalam Bahasa Indonesia:

Disajikan dalam serat Wedhatama,

Agar jangan miskin pengetahuan,

Meskipun sudah tua pikun,

Jika tidak memahami rasa (batin),
Niscaya kosong, tiada guna bagai ampas, sia-sia,

Di dalam setiap pergaulan,
Sering bertindak ceroboh & memalukan.

Pupuh Pangkur Pada 3

3. Nggugu karsaning priyangga,

    Nora nganggo peparah lamun angling,

    Lumuh ing ngaran balilu,

    Uger guru Aleman,
    Nanging janma ingkang wus waspadeng semu,

    Sinamun ing samudana,
    Sesadon ingadu manis.

Dalam Bahasa Indonesia:

Mengikuti kemauan sendiri,

Bila berkata tanpa dipertimbangkan (asal bunyi),

Namun tak mau dianggap bodoh,

Selalu berharap dipuji-puji.
(Sebaliknya) orang yang sudah memahami (ilmu sejati),

Tak bisa ditebak berwatak rendah hati,
selalu berprasangka baik.

Pupuh Pangkur Pada 4

4. Si pengung nora nglegawa,

    Sangsayarda deniro cecariwis,

    Ngandhar-andhar angendhukur,

    Kandhane nora kaprah,
    saya elok alangka longkanganipun,

    Si wasis waskitheng ngalah,
    Ngalingi marang si pingging.

Dalam Bahasa Indonesia:

Si dungu tidak menyadari,

Bualannya semakin menjadi jadi,

Ngelantur bicara yang tidak-tidak,

Bicaranya tidak masuk akal,
Makin aneh tak ada jedanya,

Lain halnya, Si Bijak cermat yang mengalah,
Menutupi aib si bodoh.

Pupuh Pangkur Pada 5

5. Mangkono ngelmu kang nyata,

    Sanyatane mung weh reseping ati,

    Bungah ingaran cubluk,

    Sukeng tyas yen den ina,
    Nora kaya si punggung anggung gumrunggung,

    Ugungan sadina dina,
    Aja mangkono wong urip.

Dalam Bahasa Indonesia:

Demikianlah ilmu yang nyata,

Senyatanya memberikan ketentraman hati,

Tidak sedih dibilang bodoh,

Tetap gembira jika dihina,
Tidak seperti si dungu yang selalu sombong,

Ingin dipuji setiap hari,
Janganlah begitu caranya orang hidup.

Pupuh Pangkur Pada 6

6. Uripe sepisan rusak, 

    Nora ductile nalare ting saluwir,

    Kadi ta guwa kang sirung,

    Sinerang ing maruta,
    Gumarenggeng anggereng anggung gumrunggung,

    Pindha padhane si mudha,
    Prandene paksa kumaki.

Dalam Bahasa Indonesia:

Hidup sekali saja berantakan,

Tidak berkembang, pola pikirnya carut marut,

Umpama goa gelap menyeramkan,

Dihembus angin,
Suaranya gemuruh menggeram, berdengung,

Seperti halnya karakter anak muda,
masih pula berlagak & congkak.

Pupuh Pangkur Pada 7

7. Kikisane mung sapala,

    Palayune ngendelken yayah wibi,

    Bangkit tur bangsaning luhur,

    Lha iya ingkang rama,
    Balik sira sarawungan bae durung,

    Mring tataning tata krama,
    Nggon anggon agama suci.

Dalam Bahasa Indonesia:

Tujuan hidupnya begitu rendah,

Maunya mengandalkan orang tuanya,

Yang terpandang dan bangsawan,

Itu kan ayahmu,
Sedangkan kamu bergaul saja belum,

Akan hakikatnya tata krama,
Dalam ajaran yang suci.

Pupuh Pangkur Pada 8

8. Socaning jiwangganira,

    Jer Katara lamun pocapan pasthi,

    Lumuh asor kudu unggul,

    Sumengah sesongaran,
    Yen mangkono keno ingaran katungkul,

    Karem ing reh kaprawiran,
    Nora enak iku kaki.

Dalam Bahasa Indonesia:

Cerminan dari dalam jiwa raga mu,

Nampak jelas melalui tutur kata,

Pantang kalah maunya menang sendiri,

Sombong besar mulut,
Bila demikian itu, disebut orang yang terlena,

Puas diri mengagulkan kepandaian,
Tidak baik itu nak.

Pupuh Pangkur Pada 9

9. Kekerane ngelmu karang,

    Kekarangan saking bangsaning gaib,

    Iku boreh paminipun,

    Tan rumasuk ing jasad,
     Amung aneng sajabaning daging kulup,

    Yen kapengok pancabaya,
    Ubayane mbalenjani.

Dalam Bahasa Indonesia:

Di dalam ilmu yang dikarang-karang (sihir / rekayasa),

Rekayasa dari hal-hal gaib,

Itu seperti bedak,

Tidak meresap ke dalam jasad,
Hanya ada di kulitnya saja nak,

Bila terbentur marabahaya,
Tidak bisa menyelesaikan masalah.

Pupuh Pangkur Pada 10

10. Marma ing sabisa-bisa,

      Bebasane muriha tyas basuki,

      Puruita-a kang patut,

      Lan traping angganira,
      Ana uga angger ugering kaprabun,

      Abon aboning panembah,
      Kang kambah ing siyang ratri.

Dalam Bahasa Indonesia:

Karena itu sebisa-bisanya,

Upayakan selalu berperilaku & berhati baik,

Bergurulah secara pada yang santun (tepat),

Yang sesuai dengan dirimu,
Ada juga peraturan dan pedoman bernegara,

Menjadi persyaratan yang berbakti,
Yang terjadi siang malam.

Pupuh Pangkur Pada 11

11. Iku kaki takok-eno,

      Marang para sarjana kang martapi

      Mring tapaking tepa tulus,

      Kawawa nahen udara,
      Wruhanira mungguh sanyataning ngelmu

      Tan mesthi neng janma wredha,
      Tuwin mudha sudra kaki.

Dalam Bahasa Indonesia:

Itulah nak tanyakan,

Kepada para sarjana yang menimba ilmu,

Kepada jejak hidup para suri tauladan yang benar,

Yang mampu menahan hawa nafsu,
ketahuilah bahwa ilmu yang sebenarnya itu,

Tidaklah harus dikuasai orang tua,
Bisa juga untuk yang masih muda atau miskin, nak!

Pupuh Pangkur Pada 12

12. Sapantuk wahyuning Allah,

      Gya dumilah mangulah ngelmu bangkit,

      Bangkit mikat reh mangukut,

      Kukutaning jiwangga,
      Yen mengkono kena sinebut wong sepuh,

      Lire sepuh sepi udara,
      Awas roroning atunggil.

Dalam Bahasa Indonesia:

Siapapun yang menerima wahyu Tuhan,

Dengan cermat mencerna ilmu tinggi,

Mampu menguasai ilmu kasampurnan,

Kesempurnaan jiwa raga,
Bila demikian pantas disebut “orang tua”,

Arti “orang tua” tak dikuasai nafsu,
Paham akan dwi tunggal (menyatu dengan Tuhan)

Pupuh Pangkur Pada 13

13. Tan samar pamoring sukma,

      Sinuksmaya winahya ing ngasepi,

      Sinimpen telenging kalbu,

      Pambukaning warana,
      Tarlen saking liyep layaping aluyup,

      Pindha pesating sumpena,
      Sumusuping rasa jati.

Dalam Bahasa Indonesia:

Tidak lah samar sukma menyatu,

Meresap terpatri dalam keheningan semadi,

Diendapkan dalam lubuk hati,

Menjadi pembuka tabir,
berawal dari kondisi antara sadar dan tak sadar (tidur)

Seperti terlepasnya mimpi,
Merasuk dalam rasa yang sejati.

Pupuh Pangkur Pada 14

14. Sejatine kang mangkana,

      Wus kakenan nugrahaning Hyang Widhi,

      Bali alaming ngasuwung,

      Tan karem karameyan,
      Ingkang sipat wisesa winisesa wus,

      Mulih mulai mulanira.
      Mulane wong anom sami.

Dalam Bahasa Indonesia:

Sebenarnya ke-ada-an tersebut,

Merupakan anugrah Hyang Widhi,

Kembali ke alam yang sepi,

Tidak mengumbar nafsu duniawi,
yang bersifat kuasa menguasai.

Kembali keasal muasalmu,

Asal mula engkau lahir

Sumber ;  https://www.synaoo.com/serat-wedhatama-pupuh-pangkur/

                 Buku Basa Jawa 1, Yudhistira kelas X SMA/ SMK/ MA 

IG: @juliyastyles_
I PURPLE YOU

MATUR NUWUN 

GEGURITAN

A. Pengertian Geguritan

Geguritan yaiku salah sijining karya sastra jawa ingkang kawujud saking rasa ing ati kang diungkapaken kaliyan penyair ngagem bahasa ingkang gadah irama , rima , mitra , bait lan penyusan lirik kang gadah arti utawa makna wonten ing lirik geguritan.

Geguritan uga kawujud saking ungkapan perasaan lan pikiran penyair . Geguritan ing bahasa Indonesia uga kasebut puisi.

B. Ciri - ciri geguritan

Ciri - ciri wonten ing geguritan yaiku :

1. duweni patokan utawa aturan geguritan kayata duweni guru lagu , guru wilangan , lan guru gatra
2. duweni makna utawa arti ana ing lirik lirik e
3. duweni bahasa ingkang endah lan mentes
4. Ing teks geguritan ono jeneng pengarang / pangriptane posisi ne ning ngarep tembang geguritan

C. Unsur - unsur intrinsik 

Geguritan uga duweni unsur unsur intrinsik kaya puisi lan karya sastra liyane , unsur unsur intrinsik ana ing geguritan inggih punika :

1. Tema
2. Bahasa kang endah
3. Judul Geguritan
4. Diksi
5. Citra
6. Purwakanthi
7. Amanat kang ono ing jero ne geguritan

D. Jenis - jenising Geguritan

Geguritan miturut kegunaane ono 3 macem , jenis jenise inggih punika :

1. Jenis Geguritan Ingkang gambarake kondisi utawa peristiwa (deskriptif)
2. Jenis Geguritan Ingkang nyeritakake kondisi utawa pengalaman (naratif)
3. Jenis Geguritan Ingkang pasemon utawa duweni isi kritikan utawa sindiran

E. Syarat syarat maca Geguritan

Wong moco geguritan ugo duweni syarat syarat , lan ora sembarangan ingkang moco geguritan . Syarat syarate yaiku :

1. Wirama -->  Cendek duwure nada utawa keras lemahe swara.
2. Wirasa --> Perasaan utawa penghayatan ketika moco geguritan
3. Wiraga --> Polah utawa gerake ketika moco geguritan
4. Wicara --> lancar orak e moco geguritan

A.    RINGKESAN PIWUCAL

Geguritan utawi guritan aslinipun saking tembung lingga gurit, tegesipun :

1.   Tulisan ingkang awujud tatahan

2.   Kidung utawi tembang

Nggurit tegesipun :

1.   Ngarang tembang utawi kidung, utawi rerepan

2.   Nglakokaken tembang utawi kidung

Miturut kamus utawi bausatra, geguritan menika uran-uran utawi karangan kang pinathok kados tembang, nanging guru gatra, guru wilangan, lan guru lagunipun boten ajeg. Menawi miturut Sadlidinata (1994:45), geguritan inggih menika iketaning basa ingkang memper syair (syair jawi gagrag enggal). Wonten malih ingkang mastani tembung gegurit asalipun saking tembung gerita. Tembung gerita lingganipun gita, tegesipun tembung utawi syair geguritan jawi sakawit dipun panggihaken wonten ing tembang-tembang dolanan.

   Samenika wujud wohing kasusatran piisi warni-warni wujud dhapukanipun. Adhedasar dhapukanipun ukara lan pangrakiting tembung, warni-warni araning geguritan kados wonten ngandap menika:

1.     Syair kalih gatra sapadan aran gita dwigatra

2.     Syair  tigang gatra sapadan aran gita trigatra

3.     Syair sekawan gatra sapadan aran gita caturgatra

4.     Syair gangsal gatra sapadan aran gita pancagatra

5.     Syair enem gatra sapadan aran gita sadgatra

6.     Syair pitu gatra sapadan aran gita saptogatra

7.     Syair wolu gatra sapadan aran gita hastagatra

8.     Syair sanga gatra sapadan aran gita nawagatra

9.     Syair-syair dhapur sonata

10.  Syair bebas

B.    JINISIPUN GEGURITAN

Geguritan jinisipun wonten kalih :

1. Geguritan gagrak lawas

Geguritan menika ngginakaken basa jawa kina lan kapérang wonten ing pupuh–pupuh tembang, kawengku guru gatra, guru lagu, lan guru wilangan. Geguritan menika ugi kalebet golonganipun tembang utawi lelagon kang ngangge Purwakanti guru-swara.

Paugeranipun geguritan gagrak lawas ingkang sampurno inggih punika:

a.    Cacahipun gatra mboten ajeg, nanging lumrahipun sakedhikipun wonten sekawan gatra.

b.   Cacah wandanipun gatra satunggal lan satunggalipun tetep sami

c.    Dong-ding utawi guru lagunipun sedaya manggen wonten wekasipun gatra runtut inggih punika ngangge purwakanti guru swara.

d.   Sangajengipun ukara (gatra) ingkang kawiwitan ngangge bebuka “sun gegurit”nanging mboten ateges saben pada/bait wonten tembungipun “sun gegurit”. Tembungipun “sun gegurit” naming wonten nginggil piyambak.

Tuladha:

Sun gegurit,

Wateke wong kampung jati

Bekti marang yayah wibi

Setya marang sakeh janji

2. Geguritan gagrak anyar

Geguritan gagrag anyar ngginakakén basa Jawa jaman samenika lan dipunserat ngangge aksara latin, lan sampun ngginakakén kertas/ dluwang. Geguritan gagrag anyar mboten kapérang wonten ing pupuh–pupuh tembang lan mboten ngangge tembung “sun gegurit”, sampun mboten kawengku guru gatra, guru lagu, lan guru wilangan, pramila jinising geguritan gagrag anyar menika saged dipunwastani puisi Jawa bebas.

C. Tuladha Geguritan 

Sekolahku   

Sekolahanku…
Panggonan anggonku golek ilmu
Sekolahanku…
Diwulang dening Bapak-ibu Guru

Sekolahanku…
Sinau, maca buku
Ing Panggonan iki
Aku diajari supaya karo wong tuwaku kudu bekti

Ing panggonan iki
Aku diajari marang kanca aja srei
Diparingi PR kanggo gladhen
Kanggo sangu urip ing tengahing bebrayan

Aku percaya…
Sanajan abot kudu dilakoni
Kabeh mau kanggo kepentingan pribadhi
kareben ngesuk dadi wong kang aji
miguna tumprap bangsa lan nagari

Sumber:  https://rejekinomplok.net/geguritan-bahasa-jawa/

 http://tedobagibagiilmu.blogspot.com/2017/11/geguritan-dalam-bahasa-jawa.html?m=1

http://pengetahuan34.blogspot.com/2016/02/materi-basa-jawa-geguritan.html?m=1

https://jatengprov.go.id/publik/nyerat-geguritan-nguripi-budaya-jawa/

IG: @juliyastyles_
I PURPLE YOU

MATUR NUWUN 

PAWARTA

1.       Pangertene pawarta

pawarta yaiku informasi anyar utawa informasi ngenani sawijining prastawa kang dumadi, dilumantarke wujud cetak, siaran, internet, utawa saka pirembugan marang wong liya utawa pamireng.

Pawarta duwe titenan (ciri-ciri) kaya kasebut ing ngisor iki :

         Tinemu ing akal (penalaran logis).

         Informasi pepak kang jumbuh karo rumus 5W + 1H.

         Struktur basa trep.

         Diksi trep ora ambigu.

         Narik kawigaten.

         Basa kang nengsemake.

Kados sing wis diaturake ing nduwur wau pawarta bisa dicawesake liwat pirang-pirang bentuk kayata:

Bentuk cetak

Bisa awujud majalah/ koran contone: majalah djokolodang, majalah panjembar semangat, lan sanesipun.

Bentuk Siaran

Bentuk siaran iki pada samya kanthi liwat lisan anangeng mbutuhake media kanggo nyawisake pawarta menika. Contone: berita bahasa jawa TA TV, berita bahasa jawa JOGJA TV, berita bahasa jawa Radio Persatuan, berita bahasa jawa TV Semarang, lan sak panunggalane.

Liwat Internet

Wis genah bentuk siji iki yaiku sawijining berita basa jawa utawa pawarta basa jawa sing dicawisake lewat media internet bisa awujud website utawa blog. Contone situs sing nyawisake berita basa jawa: pawarta bahasa jawa, sesorah jawa, kumpulan cerita bahasa jawa, cerita wayang bahasa jawa, lan sak panunggalane.

Bentuk lisan

Yen bentuk lisan ini bisa dicawisake saka sapa wae, ateges warta sing dicawisake langsung saka sing ngerteni pawarta datheng tiyang ingkang pun paringi pawarta. Contone: anak marang bapak, utawa sewalike.

2.       Perangane pawarta

    Perangane pawarta ing antarane yaiku :

a.       Headline (judul/irah-irahan).

b.      Deadline (batas wektu).

c.       Lead (teras pawarta).

d.      Body language (surasane pawarta/bahasa tubuh).

3.       Unsur-unsur pawarta

Wondene unsur-unsur ana pawarta pada karo unsur sing ana ing berita yaiku nggamblangna babagan. Unsur-unsur kang kudu ana ing pawarta yaiku 5W (what,where,when,why,who) + 1H (how) –(apa,ing ngendi,kapan,kenang apa,sapa,kepiye).

Apa         = Kedadean apa sing bakal dicawisake.

Sapa        = Sapa sing ngalami kedadean kasebut.

Kapan     = Kapan kedadean kasebut dumadi.

Kepriye   = Kepriye kedadean kui bisa dumadi .

Nengndi  = Ana papan ngendi kedadean kui dumadi.

Kena apa = Merga apa kedadean kasebut dumati.

Pawarta sing paling apik yaiku warta sing nduweni 5 unsur utama sing wis kasebut neng nduwur mau.

4.       Sifat pawarta

a.       Aktual (anyar).

b.      Jarak (adoh/cedhak).

c.       Penting.

d.      Akibat.

e.      Congkrah/konflik.

f.       Tintrim (ketegangan).

g.      Kemajuwane inovasi utawa owah-owahan teknologi.

h.      Emosi.

i.       Humor.

j.       Narik kawigaten

k.      Cekak Aos

i.      Jangkep / komplit

5.       Nilai pawarta

Ngenani nilai pawarta, ana pangerten kang ngandharake patang nilai pawarta

(Syamsul M.Romli), yaiku :

a.       Cepet, yaiku aktual lan pas wektune. Pawarta iku sabisa-bisane ngandharake sawijining bab/prastawa kang anyar.

b.      Nyata, yaiku informasi babagan sawijining fakta kang dumadi saka kedadeyan nyata, panemu, lan pratelan sumber pawarta.

c.       Penting, yaiku sesambungan karo wong akeh.

d.      Menarik, yaiku bisa narik kawigatene para pamiyarsane.

6.       Etika nulis pawarta

         Objektif

         Cover both side.

7.       Teknik nulis pawarta

a.       Pengorganisasian/ngumpulake fakta/data. Data ing kene bisa awujud wawancara (wawan rembug), kedadeyan langsung, utawa data-data tinulis.

b.      Nemtokake teras berita (lead).

c.       Milih tembung-tembung kang jumbuh karo pawarta, nggunakake alur kang runtut aja molak-malik utawa dienjah-enjah/dilompati supaya ora mbingungake pamiyarsa.

d.      Ngawiti nulis kanthi jenjem lan temenan.

8.  Tuladhane pawarta

                                                           

 Banjir Jakarta 

Saakeh 1.000 omah neng Kelurahan kampung Pulo, Kecamatan desa Melayu, Jatinegara, Jakarta wetan, ditempuh banjir nang dina Minggu (28/11/2015) esuk. Saakeh 21 warga ngungsi neng posko pengungsi paling cedhak. Sementara, turahe nguwawa neng lantai loro omahe dhewe-dhewe.

Lurah desa Melayu Bambang Pangestu ngungkapke, saakeh 1.000 omah kuwi ana ing wolu RW sing ana neng kampung Pulo. Ana dene kedhuwuran rai banyu neng omah kesebut kawruhan bervariasi. Titik terendah yakni 20 sentimeter sementara titik paling jerone yakui 300 centimeter utawa 3 meter.

 "Ana 1.528 kepala keluarga lan 3.787 wong sing dadi korban. Ana 21 jiwa neng RT 11 RW 03 sing ngungsi neng Masjid Attawabin," ujar Bambang ing pesan singkat, Minggu awan.

Bambang mbanjurke, elingan saka lawang banyu Depok pirang-pirang ndina sadurunge, udan deres sing nempuh Ciawi, Jawa Barat ngakibatake rai banyu neng lawang banyu Depok ningkat dadi 280 centimeter utawa Siaga III (telu). Anyak iku ngendem area pekarangan neng desa Pulo gebug 04.00 WIB lan memoni puncake yakiku gebug 10.00 WIB.

Miturut Bambang, status desa Pulo sing nyat dadi wilayah pasang-surut banyu neng kali Ciliwung ora dadi kepanikan wargane. Kondisi kesebut, tembung Bambang, ora berpengaruh signifikan nang aktivitas warga. Warga tetap nglakoke kemempengan sabaene.

"Nangiing awake dhewe ora oleh ceroboh. Kabeh fasilitas, kaya ta tenaga medis, jamu-jamon lan liya-liya wis siap. Yen panganan, warga isih bisa mangsak neng lantai loro," banjur Bambang.

Saiki, warga mung bisa pasrah nunggu banyu surut. Neng sisi liya, warga desa sing arep direlokasi pamerentah Provinsi DKI Jakarta kuwi uga ngarep-arep supaya cuaca cerah.

Sumber http://mybiologiilmu.blogspot.com/2017/02/cerkak.html?m=1

https://pawartabahasajawa.blogspot.com/2015/11/banjir-ngrendem-sewu-omah.html

IG: @juliyastyles_
I PURPLE YOU

MATUR NUWUN